НОВИ ТЕСТИРАЊА НА ЕМИСИИТЕ: ШТО ТРЕБА ДА ЗНАЕТЕ ЗА WLTP

Кога избирате Nissan, сакаме да ги имате сите информации што ви се потребни. Ова вклучува точни и транспарентни информации за емисиите и потрошувачката на возилата.

Во сила се нови прописи кои ќе ја олеснат процедурата за полагање. Оваа постапка се нарекува Глобално усогласена постапка за тестирање на лесни возила, скратено како WLTP (Worldwide Harmonized Light Vehicles Test Procedure). Сите производители ќе мора да ги тестираат своите возила во согласност со WLTP пред да излезат во продажба.

Постапката почна да се применува во септември 2017 година за нови модели и нови мотори. WLTP постепено ја менува претходната процедура за тестирање, Новиот европски циклус на возење или NEDC (Нов европски циклус на возење).

Од јануари 2018 година, Nissan продава возила хомологирани според новата процедура, а од септември 2018 година, сите автомобили на Nissan во продажба во нашата дилерска мрежа ќе бидат хомологирани според WLTP. Од септември 2019 година, постапката за хомологација според WLTP ќе важи и за лесни комерцијални возила.

За време на преминот од NEDC во WLTP, резултатите добиени според двете постапки ќе бидат посочени од време на време. Резимето подолу ги објаснува разликите помеѓу двете тест процедури, што ќе им овозможи на купувачите полесно да ги споредуваат возилата.

Постапката за тестирање според WLTP дава пореални вредности на емисиите и потрошувачката на гориво од NEDC, поблиску до она што можете да го постигнете во секојдневното возење.

На пример, новиот тест се спроведува на поголем опсег на температури, трае подолго, а во текот на постапката возилата поминуваат двојно повеќе растојание отколку за време на тестирање според NEDC.

За поверно претставување на нормалните услови, новиот тест циклус се состои од посилно забрзување, посилно сопирање, поголема просечна брзина и поголем максимум брзина.

Наместо да се симулира градско возење и возење на отворен пат, возилата сега се тестираат во четири различни опсези на брзина.

Вредностите добиени на овој начин одразуваат различни стилови на возење во различни услови.

Разликите во опремата на возилото - вклучувајќи ги и поединечните опции - во опсегот на даден модел се исто така земени предвид.

Иако WLTP е многу построг, сепак е лабораториска процедура. За да се направат крајните вредности уште порепрезентативни, се воведува секундарна процедура за тестирање.

Тоа е постапка за проверка на реалните емисии, наречена RDE. Според оваа процедура, возилата се тестираат на пат, под услови кои поверно ги претставуваат вредностите што може да ги постигне просечниот возач.

Тестот RDE комбинира нагорнини, удолници, бавно градско возење, возење на отворен пат со средна брзина и брзо возење на автопат. Притоа, го зема предвид и возењето на големи и ниски височини, како и разликите во оптоварувањето на возилото и надворешната температура.

Од септември 2019 година, сите нови автомобили на Nissan и лесни комерцијални возила ќе го поминат тестот RDE.

 

Комбинацијата на WLTP и RDE ќе гарантира дека вредностите што ги гледате во маркетинг материјалите на Nissan и на веб-страницата на Nissan се многу поблиску до реалните емисии на CO2 и вредностите за потрошувачка на гориво.

Како и обично, ќе има одредени отстапувања помеѓу наведените вредности и она што можете сами да го постигнете, но новите тест процедури ќе ја намалат оваа разлика.

Според новата процедура за тестирање WLTP, вредностите ќе бидат повисоки од оние постигнати според застарената процедура NEDC. Возилата на Nissan остануваат исти, променети се само процедурите со кои се тестираат.